බ්‍රිතාන්‍යයේ සමස්ත කොවිඩ් ආසාදිත මරණ සංඛ්‍යාව ලක්ෂය ඉක්මවා ගොස් තිබේ.
පසුගිය 27 වෙනි දිනය තුළ එරටින් නව කොවිඩ් ආසාදිත මරණ 1,631ක් වාර්තා වූ බව විදෙස් මාධ්‍ය පවසයි.
එරට සමස්ත කොවිඩ් මරණ සංඛ්‍යාව 100,162ක් දක්වා ඉහළ ගොස් තිබේ.
ඒ අනුව සමස්ත කොවිඩ් ආසාදිත මරණ සංඛ්‍යාව ලක්ෂය ඉක්මවූ පස්වන රට බවට බ්‍රිතාන්‍ය පත්ව ඇත.
මේ වනවිට අමෙරිකාවෙන් වැඩිම කොවිඩ් ආසාදිත මරණ සංඛ්‍යාවක් වාර්තා වී තිබේ.
ඊට අමතරව බ්‍රසීලය, ඉන්දියාව සහ මෙක්සිකෝව පිළිවෙලින් වැඩිම කොවිඩ් මරණ සංඛ්‍යාවක් වාර්තා වී ඇති රටවල් අතර සිටින බව විදෙස් වාර්තා සඳහන් කරයි.
බ්‍රිතාන්‍යයේ මේ වනවිට සමස්ත කොවිඩ් ආසාදිතයින් සංඛ්‍යාව තිස්හය ලක්ෂය ඉක්මවා ගොස් ඇති බවද විදෙස් වාර්තා සඳහන් කරයි.
එක්සත් අරාබි එමිර් රාජ්‍යයේ සිටින විදේශික ශ්‍රමිකයින්ට සුබදායක ආරචියක් එරට රජයෙන් ලබාදී තිබේ.
විදෙස් පුවත් ඒවා වාර්තා කරන පරිදි UAE හි වාසය කරන විදේශිකයින්ට එරට පුරවැසිභාවය ලබා දීමට රාජ්‍ය බලධාරින් තීරණය කර ඇති බවයි.
කොරෝනා වසගතය හේතුවෙන් රටේ ආර්ථිකය නගා සිටුවීමේ අරමුණ ඇතිව මෙම තීරණය ගැනීමට කටයුතු කල බවයි එමිරේට්ස් රජය නිවේදනය කර ඇත්තේ.
ඒ අනුව එක්සත් අරාබි එමීර් රාජ්‍යයේ වෙසෙන විදෙස් ආයෝජකයින්, විද්‍යාඥයින්, වෛද්‍යවරුන්, ව්‍යාපාරිකයින් ඇතුළු ක්ෂ්‍රේත්‍ර ගණනාවක පුද්ගලයින්ට සහ ඔවුන්ගේ පවුල්වල සාමාජිකයින්ට මෙම අනඟි අවස්ථාව හිමිවෙනු ඇත.
කොරෝනා වසංගතය සමඟ සති ගණනක් එක දිගට ලෙබනනය අගුළු දැමීම නිසා එරට වෙසෙන ජනයාගේ ජන ජීවිතයට දරුණු ලෙස බලපෑම් එල්ල කර තිබීමත් ඒ තත්ත්වය හේතුවෙන් ලෙබනනයේ ට්‍රිපෝලි නගරයේ ආරම්භ වූ විරෝධාතවය දෙවැනි රාත්‍රිය පුරාත් ක්‍රියාත්මක වෙමින් ආරක්ෂක අංශ සමඟ ගැටුම් ඇතිකරගෙන ඇති බව විදෙස් පුවත් සේවා වාර්තා කරයි.
ඉතා කලහකාරී අන්දමින් මෙම විරෝධතා කරුවන් සිය විරෝධය දක්වා තිබෙන අතර පසුගිය අඟහරුවාදා දින එරට ප්‍රාදේශීය රූපවාහිනී නාලිකාවක් ඔස්සේ විරෝධතා කරුවන්ගේ ක්‍රියාකලාපය විකාශය කර තිබේ. එහිදී සෙරේල් නමින් හැඳින්වෙන රජයේ ගොඩනැගිල්ලකට ගල් ගසන ආකාරයත් ඒ අසල ඇති වාහනයක් පුලිස්සා දමමින් කලකාරී ලෙස හැසිරෙන සජීවී විඩියෝ දර්ශන ප්‍රචාරය කර ඇත.
පසුගිය කාල වකවානුව තුළ විවිද සිදුවීම් හරහා ලෙබනනය දැඩි අර්බුදකාරී තත්ත්වයකට පත්ව තිබූ අතර කොරෝනා වසංගතය සමඟ එම අර්බුදකාරී වාතාවරණය තව තවත් ඉහළ යන ලදී. වර්තමානය වනවිට ලෙබනනය දැඩි මූල්‍ය අර්බුදයක සිරවී සිටින අතර රට තුළ කොරෝනා ව්‍යාප්තවීම ඉහළ යාමද ඊට එක් හේතුවක් වී තිබේ.
අදවන විට ලෙබනනයෙන් වාර්තා වෙන සමස්ත කොරෝනා ආසාදිතයින් ගණන 285,754 දක්වා ඉහළ ගොස් තිබෙන අතර මියගිය ගණන 2,477 ක් දක්වා වැඩි වී තිබේ.
දිනෙන් දින වැඩි වෙන ආසාදිතයින් ගණන ඉහළ යාම නිසා එය පාලනය කිරීමේ අරමුණින් සති ගණනක් පුරා රට ලොක්ඩවුන් කළ අතර නමුත් එහි අතුරු ප්‍රතිඵලයක් ලෙස ජනතාවගේ ජීවන තත්ත්වයට තර්ජනයක් වී නිසා මෙලෙස විරෝධතා රැල්ලක් නිර්මාණය වීමට බලපා තිබෙන බවයි විදෙස් මාධ්‍ය වැඩිදුරටත් වාර්තා කරන්නේ.
කොවිඩ් -19 වෛරසය මර්දනය සඳහා මේ වනවිට භාවිත කෙරෙන මොඩර්නා එන්නත වෛරසයේ නව ප්‍රභේදවලට එරෙහිවද ක්‍රියාත්මක වනබව වාර්තා වී තිබේ.
අමෙරිකානු සෞඛ්‍ය විද්‍යාඥයින් ප්‍රකාශකර ඇත්තේ එම එන්නත මගින් බ්‍රිතාන්‍ය සහ දකුණු අප්‍රිකාවෙන් හඳුනාගෙන ඇති වෛරස් ප්‍රභේදවලට එරෙහිව සාර්ථකව ක්‍රියාත්මකවන බව පරීක්ෂණාගාර ප්‍රතිඵලවලට අනුව තහවුරු කරඇති බවය.
කෙසේවුවද මේ සම්බන්ධයෙන් තවදුරටත් පරීක්ෂණ ක්‍රියාත්මක බවත් විදෙස් මාධ්‍ය වැඩිදුරටත් වාර්තා කරයි.
